TRAGJIKE në Dibër/ Humbi kontrollin e mjetit, shoferi ndërron jetë pasi bie në humnerë

Një aksident i rëndë ka ndodhur mëngjesin e sotëm në Dibër, ku një person ka ndërruar jetë.

Mësohet se ngjarja ka ndodhur në dalje të qytetit të Peshkopisë, ku shoferi dyshohet se ka humbur kontrollin e mjetit dhe për pasojë ka dalë nga rruga, duke rënë disa metra poshtë saj. Plagët e mara kanë qenë të rënda dhe i kamë marrë jetën shoferit, teksa ai po transportohej në spital.

Grupi hetimor ndodhet në vendin e ngjarjes dhe punon për zbardhjen e plotë të rrethanave të aksidentit tragjik.

Njoftimi i policisë:

Dibër/Informacion paraprak

Rreth orës 10:00, në dalje të qytetit të Peshkopisë, shtetasi B.S., dyshohet se ka humbur kontrollin mbi drejtimin e automjetit dhe automjeti ka dalë nga rruga duke rënë disa metra poshtë saj. Si pasojë e dëmtimeve të marra, drejtuesi i automjetit ka humbur jetën, gjatë transportimit për në spitalin e Traumës Tiranë.

Grupi hetimor po punon për zbardhjen e rrethanave të aksidentit.