Tragjedi në lumin Setë, humb jetën 31-vjeçari teksa peshkonte, dyshimet e para

Një ngjarje e rëndë ka ndodhur pasditen e djeshme në Dibër, ku një 31-vjeçar ka humbur jetën.

Raportohet se viktima është Ervis Kaloshi, i cili humbi jetën teksa ishte duke peshkuar në ujërat e lumit Setë, së bashku me disa persona të tjerë. 

Fillimisht u raportua se ai u mbyt, por tashmë janë ngritur dyshime se ai ka humbur jetën pasi ka rënë në kontakt me rrymën elektrike. Policia po vijon hetimet dhe pritet të zbardhë rrethanat e plota të ngjarjes së rëndë.

Ervis Kaloshi ishte një i ri që punonte si mësues dhe prej vitesh kishte dhënë kontributin e tij në disa shkolla të Dibrës. Vitet e fundit ai punonte si mësues në shkollën 9-vjeçare “Grykë-Nokë”, ku ishte angazhuar në edukimin e brezave të rinj.