Tragjedi në Greqi, tre të rinj humbin jetën pas aksidentit të rëndë

 Tre të rinj kanë humbur jetën pas një aksidenti tragjik të ndodhur pas mesnate në Spartë. Makinat me të cilën udhëtonin të rinjtë u përplas me një pemë rreth orës 01:30.

Drejtuesi i makinës ishte një 24-vjeçar, ndërsa dy pasagjerët ishin nga 21 vjeç. Të tre punonin në një kafene në Spartë dhe studionin në qytet.

Sipas mediave greke, makina me të cilën udhëtonin të rinjtë ka dalë nga rruga për arsye ende të panjohura, është përplasur me një pemë dhe më pas është përmbysur.

Zjarrfikësit i nxorrën tre të rinjtë pa ndejenja nga automjeti. Ata u dërguan në spital ku u konstatua vdekja.