Tjetër SHERR mes adoloshentëve! 13-vjeçari godet me thikë të miturin brenda shkollës

Një tjetër sherr mes nxënësve të një shkolle 9-vjeçare është regjistruar paraditen e kësaj të mërkure në Sarandë.

Sipas uniformave blu, një 13-vjeçar dyshohet se ka goditur me mjet prerës një të mitur, 15 vjeç. Sakaq mësohet se i lënduari është jashtë rrezikut për jetën.

Njoftimi:

Sarandë, paraprak/ Sot, rreth orës 10:00, në ambientet e një shkolle jopublike 9-vjeçare në lagjen nr.3, Sarandë, gjatë një konflikti për motive të dobëta, dyshohet se një nxënës 13 vjeçar, ka goditur me mjet prerës një të mitur, 15 vjeç, i cili ndodhet në spital, jashtë rrezikut për jetën.
Vijon puna për shoqërimin e autorit të dyshuar të kësaj ngjarjeje, si dhe për sqarimin dhe dokumentimin e plotë të rrethanave të saj.