The Guardian jehonë shqiptarëve: Të rinjtë shfrytëzohen egërsisht në Britaninë e Madhe, autoritetet...

Media në Mbretërinë e Bashkuar vazhdon të trajtojë çështjen e emigrantëve shqiptarë.

The Guardian ka vizituar një qendër bamirëse të ngritur nga shqiptarë e që ndihmojnë bashkatdhetarët e tyre që kanë mbërritur me gomone e në mënyrë të paligjshme në Britaninë e Madhe.

Menaxheri i shoqatës ‘Shpresa’ flet dhe për historinë e një 16-vjeçari që u mbajt i mbyllur tre muaj në një shtëpi bari, i detyruar të kujdesej për bimët e kanabisit, deri në momentin që banesa u bastis nga policia.

Më në fund, ai u bashkua me motrën dhe u strehua në këtë shoqatë. Arturi është një tjetër i ri që tregon se nga Shqipëria ka ikur për shkak të hakmarrjes, por që askush nuk e beson.

Stafi i shoqatës shprehet se autoritetet britanike në këtë mënyrë nuk po luftojnë kriminelët, por emigrantët që përdoren nga kriminelët.

Një shoqatë bamirësie shqiptare në lindje të Londrës kohët e fundit filloi të ndihmonte një djalë 16-vjeçar, i cili u kontrabandua dhe u dërgua me gomone në Britaninë e madhe dhe u vendos në një hotel të Home Office pas mbërritjes.

Më pas ai u rrëmbye nga trafikantët për të punuar në një fermë kanabisi në Leeds.

Fëmija është një nga 12,561 shtetasit shqiptarë që udhëtuan drejt Britanisë së Madhe me gomone vitin e kaluar dhe e gjeti veten në qendër të një debati rreth emigrimit të paligjshëm nga ky shtet ish-komunist i goditur nga varfëria.