Tha se u dhunua në komisariat, policia e Durrësit: Marokenin e rrahu një kamarier, i gjetëm edhe hashash

Policia e Durrësit ka reaguar pas denoncimit të një marokeni, i cili pretendonte se është dhunuar nga në komisariat uniformat blu.

Në një njoftim, policia sqaron se 29-vjeçari konfliktohej me kalimtarë të rastit te “Sheshi Pranvera”.

Më pas ai, ka shkuar me sy të nxirë dhe në gjendje të dehur në ambientet e një lokali, duke shqetësuar klientët. Aty është përballur me një kamarier, E. V, i cili i ka kërkuar marokenit që të dilte nga ambientet e lokalit pasi po shqetësonte klientët.

Mirëpo, ai jo vetëm e ka kundërshtuar, por edhe e ka qëlluar. Për vetëmbrojtje, kamarieri e ka goditur, duke i shkaktuar dëmtime.

Gjatë kontrollit, atij i është gjetur edhe një sasi e vogël hashashi.