Tentoi të digjte me benzinë ish gruan, 12 vite burg për shqiptarin në Greqi

Autoritetet në Greqi kanë dënuar me 12 vite burg një 52 vjeçar shqiptar i akuzuar për tentativë vrasjeje.

Mediat vendase shkruajnë se, shqiptari ka tentuar të djegë ish bashkëshorten e tij teksa po dilte nga makina me djalin e tyre 17 vjeçar, ngjarje e ndodhur në vitin 2022.

Pasi ajo ka dalë nga makina, ai i ka hedhur benzinë duke e kërcënuar se do ta djegë.

Ai ka pretenduar se nuk kishte ndërmend që t’i vinte flakën ish gruas por kjo e fundit ka thënë se i është afruar teksa mbante kapuç dhe doreza si edhe dy çakmakë në duar.