Tensione në veri, sulmohet sërish me granatë objekti i komunës në Zveçan

Objekti komunal në Zveçan është sulmuar me granatë mbrëmë pak para mesnatës, ndërsa përveç dëmeve materiale nuk ka të lënduar.

Përveç disa dritareve të thyera në objektin e komunës, janë dëmtuar edhe tre automjete që kanë qenë të parkuara në afërsi, dy prej të cilave me targa të Serbisë dhe një me targa vendore.

Për nder të 28 Nëntorit, dje në Zveçan – në pjesën veriore e Kosovës, për herë të parë është mbajtur seanca solemne e Kuvendit Komunal.

Edhe stacioni i policisë në Zveçan ra pre e sulmit me granatë dy ditë më parë.