Tenderi i “kripur” i uniformave të policisë, Gjykata vendos për fatin e 9 zyrtarëve të arrestuar

Gjykata e Posaçme Anti Korrupsion ka pranuar sot kërkesën e SPAK duke lënë në fuqi masat e sigurisë për 9 zyrtarët e Ministrisë së Brendshme të përfshirë në abuzimin me tenderin e uniformave të policisë, tender prej 25 milionë eurosh.

8 nga 9 zyrtarë të përfshirë në abuzimin e “kripur” të parave publike janë lënë në burg, ndërsa zyrtarja Anisa Bogdani, anëtare e Komisionit të Vlerësimit të Ofertave është lënë në “arrest shtëpie”, sepse ka kërkuar që të kujdeset për fëmijën e saj të mitur.

Arrest me burg:

Edlira Naqellari, ish-drejtoresha e Blerjeve të Përqëndruara në MPB

Flutura Çekrezi, zyrtare pranë Agjencisë së Blerjeve të Përqëndruara

Fatmir Demneri, anëtar i KVO

Mariglen Buzali, anëtar i KVO

Kreshnik Bejkaj, anëtar i KVO

Ani Omuri, anëtar i KVO.

Gëzim Mingaj, anëtar i KVO.

Arrest shtëpie:

Anisa Bogdani, anëtar i KVO.