Takimi i radhës i dialogut, ja kur do takohen në Bruksel kryenegociatorët e Kosovës dhe Serbisë

Bashkimi Europian ka njoftuar se do të zhvillohet takimi i radhës në kuadër të dialogut mes Kosovës dhe Serbisë, në nivel kryenegociatorësh.

Bëhet me dije se ky takim do të mbahet më 17 dhjetor në Brukel. Mediat e Kosovës bëjnë me dije se të dyja palët kanë konfirmuar pjesëmarrjen e tyre në këtë takim.

Zëdhënësja e BE-së për Politikë të Jashtme dhe Siguri, Anitta Hipper, ka thënë se në këtë takim do të shqyrtohen një varg çështjesh, përfshirë edhe zbatimin e Marrëveshjes drejt normalizimit të marrëdhënieve.