SPAK "nuk i ndahet" Safet Gjicit, kërkon ashpërsimin e dënimit ndaj tij në Apel

Prokuroria e Posaçme SPAK, nuk heq dorë nga kerkesa për të dënuar Safet Gjicini për akuzën e korrupsionit dhe shpërdorimit të detyrës. 

Sot në gjykatën e Posaçme të Apelit prokurorja ka kërkuar dënimin e tij me 4 vite e 6 muaj burg dhe Alma Kaçin mbi akuzën e korrupsionit altiv me 1 vit e 5 muaj burg.

Dy te pandehurit e ceshtjes, përfitojnë uljen e 1/3 së dënimit për shkak të gjykimit të shkurtuar. SPAK nuk ishte dakort me ndryshimin e akuzës dhe uljen e dënimit që u bë nga Gjykata e shkallës së parë. Avokati i Safet Gjicit kërkoi pafajësi.

Alma Kaçi nuk u paraqit as në këtë seancë, gjithashtu as avokatja e saj mbrojtëse. Në këto kushte gjykata caktoi një avokat kryesisht, Arben Peci i cili kërkoi pafajësi.

Vendimi pritet te shpallet më 24 Qershor ora 14:00. Gjykata e Shkallës së parë e ka dënuar ish-kryebashkuakun Gjici me 3 vite burg vetëm për shpërdorim detyre me gjykim të shkurtuar.

Alma Kaçi u dënua me 1 vit e 6 muaj burg që u reduktua nga gjykimi i shkurtuar me 1 vit burg për prostitucion.

Ankimi u bë në apel edhe nga SPAK edhe nga të pandehurit qe kane kundershtuar akuzat permes avokateve.

Videoskandali ku Gjici dhe 40 vjeçarja kryeninin marrëdhënie në zyrën e kryetarit në bashkinë e Kukësit u publikua në media më 16 qershor 2023, ndërsa data e regjistrimit në video ishte 6 qershor 2023.

Safet Gjici u arrestua më  24 qershor 2023. Sipas SPAK, e cila mbylli hetimet më 25 nëntor 2023, janë përftuar prova dhe të dhëna nga analizimi i të cilave ka rezultuar se e pandehura Alma K., është personi që i ka ofruar/dhënë përfitime të parregullta të pandehurit Safet Gjici, dhe se ky i fundit pasi ka përfituar prej saj përfitimin e parregullt, në formën e favorit seksual, ka premtuar/pranuar ta ndihmojë me projektin e saj të mbrojtjes së qenve dhe ta paraqiste më tej në mbledhje të Këshillit Bashkiak të Bashkisë Kukës.