“Sot hap dyert”, Rama publikon videon e Spitalit të Fierit, mjekët shqiptarë dhe turq

Kryeministri Edi Rama ka ka publikuar një video nga Spitali Memorial i Fierit, i cili është ndërtuar me donacione të dhëna nga Turqia.

Në videon e postuar nga Rama në facebook, pjesëtarë të skuadrës shqiptaro-turke janë shprehur të lumtur që janë pjesë e strukturës së këtij spitali, për t’iu shërbyer të gjithë banorëve të jugut të vendit.

Rama tregon gjithashtu se spitali hap sot dyert për fazën e parë në shërbim të qytetarëve.

“MIRËMËNGJES

dhe me disa nga pjesëtarët e skuadrës shqiptaro-turke në Spitalin Rajonal Memorial të Fierit, që sot hap dyert për fazën e parë në shërbim të qytetarëve, ju uroj një ditë të mbarë”, shkruan Rama.