“Është në krye të procesit”, Presidentja e PE-së vlerëson Shqipërinë në rrugën drejt BE-së

Presidentja e Parlamentit Europian, Roberta Metsola, ka vlerësuar progresin e Shqipërisë në rrugën drejt Bashkimit Europian, duke theksuar se vendi ynë, së bashku me Malin e Zi, ndodhet në krye të procesit të anëtarësimit në BE.

Sipas saj, perspektiva europiane mbetet një faktor kyç që orienton zhvillimet politike në vendet e Ballkanit Perëndimor dhe nxit reformat e nevojshme për integrimin.

Edhe Komisionerja e BE-së për Zgjerim, Marta Kos, ka veçuar Shqipërinë si një nga vendet që po përparon në mënyrë të qëndrueshme në procesin e integrimit europian. Në një intervistë për BBC News, ajo u shpreh se gjatë mandatit të saj pritet që disa vende kandidate, përfshirë Shqipërinë, të mund të avancojnë më tej drejt anëtarësimit, nëse vijojnë me ritmin e reformave.