"Është festa e dinjitetit dhe krenarisë kombëtare"! Thaçi uron festat e nëntorit nga Haga
Lajmifundit/28 Nëntor 2025, 12:23
Shperndaje
Aktualitet
Ditën e sotme është mbajtur në Hagë seanca e radhës ndaj ish-krerëve të UÇK-së.
Gjatë seancës, ish-presidenti i Kosovës, Hashim Thaçi tha se mbajtja e seancës ditën e sotme është një befasi jo e mirë.
Thaçi tha se sot është festë kombëtare dhe familjare. Në fjalën e tij, ish-presidenti uroi shqiptarët të festojnë të bashkuar dhe krenarë.
“Në këtë gjykatë të mos ndodhin gjëra që s’lejohen në shtetet tuaja përkatëse. edhe ne shqiptarët kemi histori tradita e dhe vlera kombëtare e shtetërore. Caktimi i kësaj seance sot për 28 nëntor duhet të ishte evituar. Mbajtja e kësaj seance pikërisht sot për mua dhe çdo shqiptar është befasi jo e mirë.
Sot çdo shqiptar ka festë kombëtare shtetërore e familjare. Është festa e dinjitetit dhe krenarisë kombëtare. Sot çdo familje shqiptare e institucion edhe i Kosovës edhe kujton edhe feston. S’më mbetet tjetër veç t’i uroj shqiptarët të festojnë të bashkuar krenarë dhe me dinjitet”, tha Thaçi në seancë.
Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.
