Shpërthimi me dy viktima në fabrikën në Lushnjë të deputetit socialist, SPAK nis hetimet

SPAK ka kërkuar riinspektim për shpërthimin në një magazinë në Lushnjë, ku humbën jetën dy persona.

Ndërtimi i magazinës së deputetit socialist, Bujar Çela në Lushnje ku ndodhi shpërthimi më 1 mars 2024 dhe u mori jetën 2 personave, e 7 u plagosën, po kryhej në shkelje të lejes së ndërtimit.

Në lidhje me këtë shpërthim u vendosën në pranga 2 persona, teksa u hetua edhe deputeti i PS-së Bujar Çela, si dhe u dëmtuan disa biznese përreth zonës.

Prokurorët kanë urdhëruar kryerjen e ekspertizave për të përcaktuar shkaqet e shpërthimit, teksa policia ka referuar gjetjet në organin e akuzës.