Shpërthen në flakë "Benz"-i duke ngjitur Llogaranë, shpëton fatmirësisht shoferi

Një makinë ka marrë flakë në lëvizje këtë paradite në Llogora.

Mjeti tip “Mercedez Benz” është përfshirë nga flakët në malore rreth orës 11:20. Shkak dyshohet të jetë bërë ndonjë shkëndijë elektrike, por edhe temperaturat e larta. Fatmirësisht mësohet të ketë shpëtuar shoferi pa lëndime. 

Nga flakët janë shkaktuar vetëm dëme materiale.

Nga Vlora janë nisur zjarrfikëset, ndërsa drejt vendngjarjes po shkon dhe policia e Orikumit.