Shoferi i droguar përplas automjetin e policisë në Tiranë, dy efektivë përfundojnë në spital

Një 29-vjeçar është arrestuar në Tiranë, pasi ka përplasur dy efektivë policie.

Në pranga ka rënë S.Xh., i cili me automjetin që dyshohet se e drejtonte në efektin e lëndëve narkotike, pasi ka parë shërbimet e Policisë ka përplasur një automjet policie, gjatë tentativës për t’u larguar.

Si pasojë e përplasjes janë dëmtuar 2 punonjës policie, të cilët morën asistencë mjekësore në spital.

Në vijim të veprimeve, gjatë kontrollit të banesës, shërbimet e Policisë, i gjetën një sasi lënde e dyshuar narkotike kanabisi, e cila u sekuestrua në cilësinë e provës materiale.