Shkrumbohet makina dhe motori në Vlorë, dyshohet për zjarrvënie të qëllimshme

Digjen një makinë dhe një motor gjatë natës në fshatin Kaninë të Vlorës. Ngjarja është regjistruar në orën 01-40 në një banesë ku po digjeshin makina dhe motori.

Është njoftuar policia dhe zjarrfikësit të cilët kanë mbërritur në vendngjarje dhe kanë mundur të shuajnë zjarrin i cili kishte shkrumbuar pothuajse makinën dhe motorin.

Policia ka marrë në pyetje pronarin si dhe po heton për rastin, pasi dyshohet si zjarrëvënie e qëllimshme.