Shkrumbohet banesa në Pogradec! Nëna me 3 vajzat shpëtojnë mrekullisht

Një shtëpi është përfshirë nga flakët duke shkaktuar dëme të mëdha materiale ditën e sotme, në qarkun e Korçës.

Ngjarja ka ndodhur në fshatin Starovë të Pogradecit, në një banesë ku banonte një grua dhe 3 vajzat e saj, të cilat fatmirësisht nuk ndodheshin aty kur nisi zjarri. Dyshohet se flakët kanë nisur nga një kasolle me dërrasa ngjitur me objektin dhe me pas janë përhapur duke krijuar dëme të shumta materiale.

Në vendngjarje kanë mbërritur forcat zjarrfikëse dhe policia, ndërsa po vijojnë verifikimet për të përcaktuar shkaqet e sakta të incidentit.