Shkodër/ Kërcënuan me armë zjarri fqinjin, arrestohet 38-vjeçari, ndërsa bashkëautori është ende në kërkim

Një 38-vjeçar është arrestuar nga Policia në Shkodër pasi ka kërcënuar me armë zjarri fqinjin e tij përgjatë një konflikti për motive të dobëta.

Sipas burimeve, në këtë konflikt është përfshirë dhe 22-vjeçari A.G, ku së bashku me 38-vjeçarin kërcënuan shtetasin E.H.

Njoftimi i plotë i Policisë së Shtetit:

Dyshohet se kanosën me armë zjarri pistoletë, fqinjin e tyre, gjatë një konflikti për motive të dobëta, vihet në pranga 37-vjeçari, shpallet në kërkim 22-vjeçari.
Punohet për kapjen e 22-vjeçarit dhe për gjetjen e pistoletës.
Specialistët për Hetimin e Krimeve të Komisariatit të Policisë Shkodër, në bashkëpunim me shërbimet e Patrullës së Përgjithshme, të mbeshtetura nga shërbimet e Forcës së Posaçme “Shqiponja”, menjëherë pas marrjes së njoftimit se në rrugën “Tafilica”, një shtetas ishte kanosur me armë zjarri, kanë organizuar punën për kapjen e autorit/ëve dhe zbardhjen e rrethanave të rastit.
Si rezultat i veprimeve të shpejta, u kap në flagrancë dhe u arrestua shtetasi M. B., 37 vjeç, banues në Shkodër.
Gjithashtu, u shpall në kërkim shtetasi A. G., 22 vjeç, banues në Shkodër.
Nga hetimet dyshohet se këta 2 shtetas, gjatë një konflikti për motive të dobëta, me fqinjin e tyre, shtetasin E. K., e kanë kanosur atë, me armë zjarri pistoletë.
22-vjeçari dyshohet se sapo ka konstatuar punonjësit e Policisë, ka marrë armën e zjarrit dhe është larguar me vrap.
Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.