Shkodër, 25-vjeçari transportohet me helikopter drejt Traumës, i ndodhi e papritura në lokal

Një 25-vjeçar është dëmtuar në kokë pas një incidenti të ndodhur mesditën e sotme në një lokal në qytetin e Shkodrës.

Sipas informacionit paraprak të Policisë, rreth orës 12:00, shtetasi M. Ll., 25 vjeç, banues në Shkodër, dyshohet se ka rrëshqitur aksidentalisht në ambientet e një lokali, duke pësuar dëmtime në kokë.

Pas marrjes së ndihmës së parë mjekësore në Spitalin Rajonal të Shkodrës, i riu është transportuar me helikopter drejt Spitalit të Traumës në Tiranë.

25-vjeçari ndodhet aktualisht nën kujdesin e mjekëve. Ndërkohë, grupi hetimor po punon për të zbardhur rrethanat e plota të ngjarjes.