Shiste online veshje të kontrabanduara me vlerë 7 000 euro, e pëson 34-vjeçarja në Vlorë

Një 34-vjeçare është vënë nën hetim nga Policia e Vlorës.

Gjatë kontrollit në ambientin ku kjo shtetase dyshohet se magazinonte veshje të cilat i shiste online, shërbimet e Policisë kanë gjetur dhe sekuestruar në cilësinë e provës materiale, veshje të ndryshme me vlerë rreth 7 000 euro.

Për këto veshje, 34-vjeçarja nuk dispononte faturën përkatëse të deklarimit në autoritetin doganor.

Ajo akuzohet për veprën penale “Tregtimi dhe transportimi i mallrave që janë kontrabandë”.