Shirat e dendur në Kukës, rrëshqet mali në Shishtavec, bllokohen dhjetëra makina

Reshjet e shiut që përfshinë qarkun e Kukësit sollën bllokimin e aksit që lidh qytetin me zonën e Shishtavecit.

Intensiteti i reshjeve ka shkaktuar rrëshqitje masive të dheut në rrugën Kukës -Shishtavec duke sjellë dhe bllokimin e saj. Ndërkaq të bllokuara kanë mbetur dhjetëra makina.

Në zonë kanë shkuar mjetet të rënda të bashkisë që po punojnë për hapjen e aksit.

Reshjet e dendura të shiut, të shoqëruara me breshër, që fatmirësisht nuk zgjatën shumë, përmbytën dhjetëra dyqane, akse rrugore madje dëmtuan dhe makina të cilat u goditën nga pemë të rrëzuara.

Shërbimet e bashkisë së Kukësit tashmë ndodhen në terren për normalizimin e gjendjes së krijuar.