Sherr për biletat e anijeve turistike, një i plagosur në portin e Vlorës (EMRAT)

Një konflikt banal mes dy shitësve të biletave për anijet turistike ka përfunduar me plagosje me thikë në portin e Vlorës.

Sipas informacioneve paraprake, gjatë konfliktit, shtetasi Edmond Gorishova ka goditur me thikë shtetasin Dhimo Thomini.

Policia ka ndërhyrë menjëherë dhe ka bërë të mundur arrestimin e autorit të dyshuar.

Ndërkohë, i plagosuri është transportuar me ambulancë për të marrë ndihmë mjekësore.

Nuk dihen ende detaje të mëtejshme mbi gjendjen shëndetësore të të plagosurit dhe rrethanat e plota të konfliktit. Hetimet vijojnë për zbardhjen e ngjarjes.