Sherr mes adoleshentëve në Lezhë, 2 prej tyre përfundojnë në spital, arrestohet 18-vjeçari

Gjatë një konflikti të çastit, dëmtoi me dorezë metalike, 2 shtetas, kapet dhe vihet në pranga 18-vjeçari.

Menjëherë pas njoftimit se mbrëmjen e djeshme, në spitalin rajonal të Lezhës, kishin shkuar 2 shtetas të dëmtuar me send të fortë, Komisariati i Policisë Lezhë nisi hetimet për identifikimin dhe arrestimin e autorit/ëve dhe për zbardhjen e rrethanave të rastit.

Si rezultat, u identifikua, u kap dhe u vu në pranga shtetasi Xh. D., 18 vjeç, banues në Ishull Lezhë, pasi dyshohet se gjatë një konflikti të çastit, për motive të dobëta, ka dëmtuar me send të fortë (dorezë metalike), 2 shtetas, (16 e 18 vjeç), të cilët ndodhen në kujdesin e mjekëve.