Vodhi “Audin” me vlerë 50 mijë euro në Itali për ta shitur në Shqipëri, procedohet 44-vjeçari

Policia ka sekuestruar një automjet luksoz tip Audi SQ8, i cili dyshohet se ishte vjedhur në Itali dhe ishte futur në Shqipëri me qëllim shitjeje.

Sipas njoftimit, automjeti me vlerë rreth 50 mijë euro u identifikua gjatë veprimeve hetimore dhe operacionale të zhvilluara në kuadër të operacionit të koduar “Stolen Line”, që synon goditjen e trafikimit të mjeteve të vjedhura jashtë vendit.

Mjeti rezulton i vjedhur në Itali, ndërsa për rastin është proceduar penalisht shtetasi V. T., 44 vjeç, i dyshuar se e ka transportuar automjetin në Shqipëri për ta shitur.

Njoftimi: 

Sekuestrohet një tjetër automjet i vjedhur jashtë shtetit, tip “Audi SQ8”, me vlerë rreth 50 000 euro.

Identifikohet dhe procedohet penalisht 1 shtetas, i dyshuar për trafikimin e automjetit të vjedhur në Itali, me qëllim shitjen në Shqipëri.

Si rezultat i punës hetimore dhe operacionale, në vijim të operacionit “Stolen Line”, me objektiv goditjen e rasteve të trafikimit në Shqipëri të automjeteve të vjedhura jashtë shtetit, specialistët e Seksionit për Hetimin e Trafiqeve të Paligjshme goditën një tjetër rast të kësaj veprimtarie.

Në vijim të veprimeve procedurale u sekuestrua një automjet tip “Audi SQ8”, me vlerë rreth 50 000 euro, i cili, nga verifikimet, rezultoi i vjedhur në Itali.

Për këtë rast nisi procedimi penal për shtetasin V. T., 44 vjeç, i cili dyshohet se e ka sjellë automjetin në Shqipëri, me qëllim shitjen.

Operacioni “Stolen Line” vijon.

Materialet procedurale iu referuan Prokurorisë së Tiranës, për veprime të mëtejshme.