Emrat/ Sekuestrohen 10 kg kanabis në Tiranë, vihen në pranga tre persona

Tre persona kanë rënë në pranga në kuadër të operacionit “Four”, nga Komisariati i Policisë Nr. 4, dhe Seksioni për Hetimin e Narkotikëve.

Shërbimet e Komisariatit të Policisë Nr. 4 dhe Seksioni për Hetimin e Narkotikëve, në vijim të operacioneve për goditjen e veprimtarive kriminale në fushën e narkotikëve, pas një pune të mirëfilltë hetimore kanë organizuar dhe kanë finalizuar operacionin.

Në pranga kanë rënë shtetasit: Llesh Doçi, Lirim Sopoti dhe Xhuliano Marando (Likaj).

Shtetasi Llesh Doçi, është kontatuar nga shërbimet e Policisë në rrugën “Rexhep Tarja”, dhe gjatë kontrollit fizik të tij, shërbimet e Policisë, i gjetën sasi lënde të dyshuar narkotike kanabis.

Në vijim të veprimeve, gjatë kontrollit të banesës, ku u gjetën shtetasit Lirim Sopoti, dhe Xhuliano Marando (Likaj)., shërbimet e Policisë, gjetën dhe sekuestruan në cilësinë e provës materiale, dy thasë të zinj me lëndë të dyshuar narkotike kanabis me peshë 10 kg.