‘Rrjeti’ çon në pranga 11 anëtarët e një grupi që shiste kokainë e kanabis/ Emrat – Detaje

Policia e Vlorës ka ekzekutuar 11 masa sigurie “Arrest në burg” për pjesëtarët e grupi që shiste doza kokaine dhe kanabisi, kryesisht në Sarandë dhe Delvinë. Ata akuzohen për veprën penale “Prodhimi dhe shitja e narkotikëve”, kryer në bashkëpunim.

Në pranga u vunë:

– Mili Hamzaj dhe Evinio Hamzaj, (vëllezër),

– Fatjon Abazi dhe Osmën Abazi, (vëllezër),

– Xhuljan Meçani dhe Stelio Meçani, (vëllezër),

– Eduart Taka,

– Juxhin Isufi,

– Drago Qëndro,

– Enver Haxhi

– Mina Dedi.

Gjithashtu, gjatë operacionit u arrestua në kushtet e flagrancës edhe shtetasi Algert Caushi pasi gjatë kontrollit të ushtruar në banesën dhe automjetin e tij iu gjetën dhe sekuestruan doza lënde narkotike kokainë, radio si ato të Policisë dhe shkopinj metalikë. Ai akuzohet për veprat penale “Prodhimi dhe shitja e narkotikëve”, “Prodhimi, mbajtja, blerja apo shitja pa leje e armëve të ftohta” dhe “Mbajtja pa të drejtë e uniformës”.

Po ashtu, është shpallur në kërkim Panajot Feim Bala, 49 vjeç, banues në Delvinë.

Gjatë operacionit janë sekuestruar në total: 120 doza kokaine, doza kanabisi, 18 aparate celularë, 1 tablet, 4 automjete, 2 motomjete, 2 radio si ato të Policisë, 2 shkopinj metalikë, 2 peshore elektronike dhe një shumë parash e dyshuar e përfituar nga kjo veprimtari kriminale, konkretisht: 40 000 euro, 2 980 dollarë, 260 paund dhe 1 940 000 lekë.