“Rama jepe dorëheqjen”/ Mbi tre orë në sheshin para Kryeministrisë, nis marshimi i protestuesve në Tiranë

Ka nisur marshimi i qytetarëve nga sheshi “Skënderbej” në rrugët e Tiranës.

Nën thirrjet “Rama jepe dorëheqjen”, “Rama në burg, Berisha në burg”, “Revolucion”, “Rama fuck you”, qytetarët kanë ndjekur itinerarin e përnatshëm, ku pasi kanë shprehur shqetësimet e tyre poshtë zyrës së kryeministrit Rama, ata “pushtojnë” rrugët e kryeqytetit.

Sot ishte dita e 32-të e protestës, ku qytetarët artikulojnë si kërkesë kryesore dorëheqjen e kryeministrit Edi Rama.

Organizatorët kanë deklaruar se protestat do të vazhdojnë deri në përmbushjen e kësaj kërkese, duke ftuar qytetarët të marrin pjesë masivisht në atë që cilësohet si protesta e 33-të radhazi, që shënon edhe një muaj nga nisja e protestave.

Gjatë marshimit, qytetarët kanë vijuar me thirrje si “Rama jep dorëheqjen”,  “Ju erdhi fundi”, “Revolucion”, “Shqipëri e re”, si dhe “Rama në burg, Berisha në burg”.