Temperaturat ekstreme, qeveria propozon uljen e orarit të punës për administratën

Ashtu si Kosova, edhe vendi ynë mesa duket po merr masa për të ulur orarin e punonjësve në administratën publike për shkak të temperaturave ekstreme.

Burime për mediat bëjnë me dije se vendimi do të miratohet nesër gjatë mbledhjes së qeverisë. Në bazë të propozimit orari i rishikuar do të jetë nga ora 9.30 deri në orën 15.30, ndërsa ditën e premte nga ora 9.00 deri në orën 13.00.

Orari i ri për administratën publike pritet të vlejë përgjatë javëve të muajit korrik, por është lënë e hapur mundesia që të vlejë edhe për muajin gusht.

Shqipëria po përballet prej ditësh nga temperatura tepër të larta që shkojnë edhe mbi 40 gradë C.