Qeni i policisë zbulon valixhen me 19.4 kg "kanabis special" në Rinas, arrestohet transportuesi nga Tepelena

Një 39-vjeçar ka rënë në prangat e Policisë në Rinas, pasi dyshohet se solli nga Tajlanda një valixhe me 19.4 kg cannabis me përqindje të lartë TCH, me qëllim shitjen në Shqipëri.

Policia bën të ditur se i arrestuari është banues në fshatin Kras të Tepelenës, ndërkohë që sasia e drogës është sekuestruar në cilësinë e provës materiale.

Njoftimi i Policisë:

Policia e Shtetit-Finalizohet operacioni policor antidrogë i koduar “Pako 6”, kundër trafikimit të lëndëve narkotike.

Operacioni nga Drejtoria për Hetimin e  Narkotikëve në Departamentin e Policisë Kriminale në bashkëpunim me Drejtorinë  Vendore të Policisë Tiranë dhe Komisariatin e Policisë Rinas, nën drejtimin e Prokurorisë së Tiranës.

Solli nga Tajlanda në PKK Rinas, 1 valixhe me 19.4 kg Cannabis me përqindje të lartë THC, me qëllim shitjen në Shqipëri, arrestohet në flagrancë 39-vjeçari.

Sekuestrohet lënda narkotike.

Në vijim të operacioneve të njëpasnjëshme të  zhvilluara nga Policia e Tiranës, me objektiv goditjen e rasteve të trafikimit të lëndës narkotike Cannabis Sativa me përqindje të lartë THC, për shitje në Shqipëri, është goditur një tjetër rast i tentativës për futje të lëndës narkotike me përqindje të lartë  të lartë THC.

Pas informacioneve të siguruara nga   Drejtoria për Hetimin e Narkotikëve në Departamentin e Policisë  Kriminale  në Policinë e Shtetit dhe regjistrimit të procedimit penal në Prokurorinë e Tiranës, Seksioni për Hetimin e Narkotikëve i DVP Tiranë  në bashkëpunim me Komisariatin e Policisë Rinas, dhe nën drejtimin e Prokurorisë së Tiranës, në kuadër të këtij procedimi proaktiv, finalizoi operacionin policor antidrogë të koduar  “Pako 6”.

Gjatë operacionit u arrestua në flagrancë shtetasi Dh. Sh.,39 vjeç, banues në fshatin Kras, Tepelenë.