Qëllohet me armë lokali në Kamzë, policia nis hetimet

Të shtëna me armë janë regjistruar orët e para të kësaj të shtune në periferi të kryeqytetit.

Bëhet e ditur se rreth orës 05:10, në Kamëz, në bulevardin “Donald Trump”, janë thyer me armë zjarri xhamat e një lokali.

Në momentin e sulmit, lokali ka qenë i mbyllur. Po punohet për sqarimin e rrethanave të ngjarjes.

Kamzë/Informacion paraprak

Më datë 11.03.2023, rreth orës 05:10, në Kamëz, në bulevardin “Donald Trump”, janë thyer (dyshohet me armë zjarri) xhamat e lokalit në pronësi të shtetasit N. M..

Lokali në ato momente ka qenë i mbyllur.

Grupi hetimor po punon për sqarimin e rrethanave të ngjarjes, identifikimin dhe kapjen e autorit.