Policia kontrolle te “5 Maji” pas vrasjes së 27-vjeçarit, dyshime për aktivitet të paligjshëm

TIRANË
Policia e Tiranës po zhvillon këtë mesditë një opercaion në rrugën “5 Maji”, në Tiranë. Kontrollohet e policisë janë në vijim të hetimeve për vrasjen e 27-vjeçarit Marjus Qema.

Siç raportohet, policia po kontrollon një magazinë të marrë me qera nga shtetasi K. Gj., pasi dyshohet se aty zhvillohet aktiviteti i paligjshëm i prodhimit të monedhave elektronike.

Aktualisht, policia sapo ka shpërthyer derën e magazinës dhe është futur brenda, ndërsa priten në vijim detaje mbi kontrollin. Dyshohet se magazina përdorej nga viktima Qema, ku prodhoheshin monedhat elektronike.