Plagosi me 4 goditje thike shokun e klasës, dërgohet për masë në Gjykatë gjimnazisti 17-vjeçar

 Po mbahet sot në Gjykatën e Fierit masa e sigurisë ndaj adoleshentit me inicialet B.D., i cili mëngjesin e ditës së premte (13 Dhjetor), në ambientet e brendshme të shkollës, goditi 4 herë me mjet prerës shokun e klasës në gjimnazin “Mustafa Hoxha”, në Cakran, pas një konflikti të çastit.

Makinat e policisë dhe togës së shoqërimit u panë sot (16 Dhjetor) teksa i afroheshin godinës, ndërsa masa pritet me dyer të mbyllura, edhe për shkak të moshës së të dyshuarit.

Nxënësi i mitur ra në prangat e policisë dy ditë më parë (14 Dhjetor) dhe është arrestuar nga blutë e Fierit me akuzën “vrasje me dashje, e mbetur në tentativë”.

Autori i dyshuar del  para trupit gjykues të përbërë nga gjyqtarja e gatshme për të mitur Klodiana Kryeziu, dhe Prokurore Oliana Gjergjefi, e cila ishte e pranishme në shkollë edhe ditën e ngjarjes dhe në deklaratën për media ka pohuar se ngjarja është shumë e rëndë, por ka garantuar hetim të plotë dhe të gjithanshëm.