“Përse më sheh shtrembër”, si nisi konflikti me thikë në “Qytetin Studenti”

“Përse me bllokove rrugën, përse më sheh shtrembër”. Kjo ishte zanafilla e konflitit me thikë në “Qytetin Studenti”, ngjarje e ndodhur mesditën e sotme në Tiranë.

ABC News mëson se ky ka qenë diskutimi mes autorit, 19-vjeçarit Ajdin Ajvazi dhe të plagosurit, 20-vjeçarit Aron Demiraj.

Fillimisht, ata kanë debatuar me tone të ashpra, më pas janë përleshur dhe autori e ka plagosur me thikë 20-vjeçarin.

Më pas, autori është larguar me nxitim nga vendi i ngjarjes dhe rreth 30 minuta më pas është arrestuar. 

Ndërkohë, i riu i cili ka marrë tre goditje, në brinjë, në qafë dhe shpatull u transportua në spitalin e Traumës.