Përplasja e grupeve kriminale të “Tarzanit” dhe “Sakatit” shkak i vrasjes së 41-vjeçarit në Elbasan

Aktualitet

Përplasja e grupeve kriminale të “Tarzanit” dhe

Atentati me armë zjarri, ku mbeti i vrarë 41-vjeçari Everest Çaka ka çuar në Elbasan kreun e policisë së shtetit Ardi Veliu në Elbasan.

Ai i është bashkuar grupit hetues që ndodhet në vendngjarje dhe po mbledh prova.

Ngjarja e rëndë u regjistrua mbrëmjen e sotme në lagjen "Skënderbej".

Ai u qëllua për vdekje ndërsa po lëvizte me një makinë tip "Opel" së bashku me bashkëshorten e cila ka mbetur e plagosur në dorë, por jashtë rrezikut për jetën.

 Everest Çaka, është djali i tezes së kunatit të Erjon Alibej, i arrestuar pak muaj më parë nga prokuroria e Elbasanit, si porositësi i vrasjes së “Ilit” të Elbasanit i njohur ndryshe si Emiljano Ramazani dhe Regis Runaj.

Vrasja dyshohet se lidhet me serinë e hasmërive mes dy grupeve kriminale në qytetin e Elbasanit, atij të “Tarzanit” dhe “Sakatit”.

Në nëntor të vitit 2020 u vra në Molembek të Belgjikës, Arjan Spahiu. 

Janë ngritur pika kontrolli në hyrje-daljet në qytetin e Elbasanit dhe vijon kontrolli i zonës.

Grupi hetimor nën drejtimin e Prokurorisë ndodhet në vendngjarje dhe vijon puna për zbardhjen e plotë të shkakut dhe rrethanave të ngjarjes si dhe identifikimin e kapjen e autorit/ve.

ME TE LEXUARAT