Përplasi dy punonjës policie, përfundon në pranga 43-vjeçari në Tiranë. Drejtonte makinën i dehur

Një 43-vjeçar është vendosur në prangë në Tiranë pasi automjeti që dyshohet se ai drejtonte nën efektin e alkoolit, përplasi dy punonjës policie që po kryenin kontrolle rutinë.

Si pasojë e goditjes, efektivët pësuan dëmtime të lehta dhe, pas marrjes së ndihmës mjekësore, u larguan nga spitali jashtë rrezikut për jetën.

Autoritetet po punojnë për zbardhjen e plotë të rrethanave të ngjarjes.