Përplasen dy makinat në Durrës, plagosen drejtuesit e mjeteve, njëri mbetet i bllokuar

Dy makina janë përfshirë në një aksident mëngjesin e kësaj të diele në Kodrën e Rrushbullit në Durrës.

Një automjet tip “Wolksvagen” dhe një tjetër tip “Ford” janë përplasur kokë më kokë, ndërsa dy drejtuesit e tyre janë plagosur dhe kanë përfunduar në spital.

Njëri nga shoferët, kokretisht drejtuesi i “Ford”-it ka mbetur i bllokuar në makinë dhe është dashur ndëhyrja e forcave zjarrfikëse për ta nxjerrë.

Të dy drejtuesit janë dërguar me ambulancë në spital dhe ndodhen jashtë rrezikut për jetën.