Përkujtohen viktimat e 21 janarit, marshim përgjatë bulevardit “Dëshmorët e Kombit”

Kjo e diel shënon 13-vjetorin e vrasjes së katër qytetarëve të pafajshëm, të cilët kishin dalë në bulevardin “Dëshmorët e Kombit” për të protestuar kundër qeverisë së kohës, që drejtohej nga Sali Berisha.

Aleks Nika, Ziver Veizi, Hekuran Deda dhe Faik Myrtaj u vranë në bulevardin “Dëshmorët e Kombit” gjatë protestave të opozitës më 21 janar 2011.

Në Bulevard janë mbledhur qindra qytetarë për të përkujtuar të vrarët e 21 janarit. Pas fjalës në kryeministri, Edi Rama dhe familjarët do të mbajnë homazhe në Bulevardin ‘Dëshmorët e Kombit’ në kujtim të viktimave të 21 Janar 2011.