Për herë të parë pas një kohe të gjatë, Benjamin Netanyahu do të takohet me Biden në SHBA

Kryeministri izraelit Benjamin Netanyahu do të takohet të martën me presidentin amerikan Joe Biden.

Lajmin e ka bërë me dije sot zyra e Netanyahut. Udhëheqësi izraelit do të udhëtojë për në SHBA nesër në mëngjes.

Kjo do të jetë vizita e parë e Netanyahut në Uashington që nga formimi i qeverisë së tij aktuale në dhjetor 2022.

Zyra e Netanyahut tha në një deklaratë se ai do të udhëtonte për në Uashington të hënën në mëngjes dhe se ai do të takohet me presidentin amerikan Joe Biden të martën pasdite.

Netanyahu do të mbajë një fjalim historik në Kongresin e SHBA këtë javë, teksa lufton presionin intensiv për të arritur një marrëveshje armëpushimi të luftës në Gaza me Hamasin.