Parashikimi i motit për këtë të martë, si do variojnë temperaturat përgjatë ditës

Gjatë ditës së sotme vendi ynë do të ndikohet nga kushte atmosferike të qëndrueshme, të shoqëruara me masa ajrore me origjinë veriperëndimore.

Moti parashikohet kryesisht i kthjellët, me orë të gjata me diell e vranësirat do të jenë të pakta deri mesatare, kryesisht në zonat malore gjatë orëve të mesditës.

Era do të fryjë me drejtim veri – veriperëndim me shpejtësi mesatare 8-10 m/s ndërsa përgjatë vijës bregdetare e kryesisht atë jugperëndimor dhe në zonat luginore hera-herës era do të fitojë shpejtësi 10-14 m/s, shoqëruar me valëzimin në dete të forcës 1-3 ballë.