Pamjet e vrasjes në Vlorë, si u "pushkatua" Bledar Bircaj në mes të qytetit

Kamerat e sigurisë të karburantit përballë kanë ndihmuar për të zbardhur të gjithë skemën e plotë të ekzekutimit të Bledar Birçaj mesditën e kësaj të hëne në Vlorë, në zonën e quajtur ‘Bishti i Kalldrëmit’.

Siç shihet në pamje e publikuara sot në emisionin 'Opinion', viktima po udhëtonte me mjetin "BMW", teksa një makinë tjetër ngjyrë të bardhë po i priste e parkuar.

Sapo mjeti BMW ka mbërritur pranë karburantitdalin nga makina 2 persona, të maskuar të armatosur duke qëlluar me breshëri në drejtim të shoferi dhe më pas kanë nxituar që të largohen nga vendi i ngjarjes.

Në tentativë e sipër duke u larguar, një prej autorëve i bie arma nga duart dhe kthehet për ta marrë pas shumë pas sekondash.

Nga makina e Birçajt, del një person, i cili me vrap largohet teksa në duar mban diçka, që është e vështirë për t'u dalluar në pamje. Ky person është dëshmitari kyç i kësaj ngjarjeje të rëndë.

Ai është ndaluar nga policia, ku është marrë në pyetje. E gjithë skena ka ndodhur në mes të ditës, rreth orës 13:00, ku shihet që ky moment ka shkaktuar panik të madh te qytetarët që po kalonin dhe drejtuesit e mjeteve.

Pista kryesore e hetimit janë konfliktet që 40-vjeçari mund të ketë pasur në Spnjë, prej nga ishte kthyer prej mëse 1 muaji.