Ogerta Manastirliu “indiferente” ndaj kërkesave të tyre, qindra qytetarë mblidhen sërish para ministrisë

Ka kaluar një javë nga vdekja e Martin Canit, 14 vjeçari i cili u vra nga bashkëmoshatari i tij, Mario Përlleshaj, pas një konflikti pranë shkollës 9-vjeçare “Fan Noli” në kryeqytet.

Përsëri në protestë përpara Ministrisë së Arsimit janë mbledhur shoqëria civile, qytetarë e prindër për të kërkuar dorëheqjen e ministres së Arsimit, Ogerta Manastirlliu.

Protstuesit kanë vendosur pankarka në gardhin rrethues të ministrisë ku shkruhet “Institucionet e papërgjeshme vrasin”, ku përgjegjës për këtë ngjarje tronditëse të gjithë qytetarët kanë bërë organet kompetente të cilët kanë dështuar në funskionin e tyre për të mbojtur jetën e nxënësve në ambjentet e shkollave.

Protestuesit i kanë drejtuar një sërë kërkesash qeverisë ku ndër to përfshihet rritja e buxhetit për arsimin, si dhe nevoja urgjente për plotësimin me infrastukturë si dhe të shërbimit psiko-social.

Kërkesat e Shoqërisë Civile:

-Shtimi i buxhetit në 5% të PBB

-Plotësimi i shkollave me infrastrukturë dhe staf mbështetës

-Rritja dhe plotësimi 100% i shkollave me psikologë, raporti 1 psikolog për çdo 200 nxënës

-Qëndrimi nxënësve në shkollë deri në 16:00, duke ofruar ushqim dhe mundësi për të bërë detyrat

-Zbatimi emergjent i rregullit për heqjen e telefonave në orën e mësimit

-Miratimi i legjislacionit për vendosjen e filtrave parandalues të përmbajtjeve me gjuhë urrejtje për fëmijët nën moshën 14 vjeç

-Krijimi i një sistemi të raportimit të rasteve ku të ndërlidhen të gjitha hallkat

-Çdo shkollë duhet të ketë oficerin e sigurisë

-Dorëheqje e menjëhershme e ministres së Arsimit.