Nuk ka mbaruar dimri! Reshjet e dëborës zbardhin Gjirokastrën dhe Shkodrën

Duket se dimrit ende nuk i ka ardhur fundi. Reshjet e dëborës kanë zbardhur disa qarqe të vendit.

Zonat të cilat ndodhen mbi 800 m janë mbuluar nga bora në të gjithë qarkun e Gjirokastrës, duke na dhënë një pamje panoramike.

Qafa e Çajupit drejt Zagorisë ka rreth 5 cm borë, por është e kalueshme për mjetet që përshkojnë fshatrat e krahinës.

Po ashtu territori i bashkisë Shkodër në lartësinë mbi 1300 metra është përfshirë nga reshjet e borës

Aksi Bogë – Theth është i hapur për qarkullimin, ndërkohë që strukturat e emergjencave janë në terren për te mbajtur të kalueshëm këtë aks.

Po ashtu mali i Dajtit është zbardhur nga dëbora këtë mëngjes të së martës.