Nis aksioni i protestuesve, mbajnë të bllokuar njërin krah të Unazës

Protesta kundër qeverisë dhe kryeministrit Edi Rama vijon prej 102 ditësh, ndërsa qytetarët kanë ndryshuar skenar dhe kanë zhvendosur tubimin edhe në rrugët e Tiranës.

Disa protestues kanë bllokuar një krah të Unazës së Madhe, në kryqëzimin që lidh aksin me Bulevardin “Dëshmorët e Kombit” dhe Kryeministrinë.

Me flamuj në duar, qytetarët kanë ndaluar qarkullimin e mjeteve në këtë segment, ndërsa kanë vijuar me thirrjet kundër qeverisë.

“Rama, jep dorëheqjen!”, brohorasin protestuesit, ndërsa protesta vijon te Kryeministria në ditën e 102-të.