Ngjarja misterioze në Tiranë, shtetasja e huaj gjendet e vrarë me thikë në banesën e marrë me qira

Një ngjarje e rëndë ka ndodhur në Tiranë këtë të enjte, ku një shtetase e huaj është gjetur e vrarë me thikë në banesën e marrë me qira.

 Ajo kishte marrë me qira për 10 ditë banesën së bashku me një burrë.

Sipas njoftimit zyrtar të policisë, rreth orës 12:55, në rrugën “Gjon Muzaka”, është gjetur pa shenja jete në banesën që kishte marrë me qira, një shtetase (dyshohet e huaj), rreth 30 vjeçe.

Gjatë këqyrjes paraprake të trupit janë konstatuar plagë që dyshohet se janë shkaktuar me mjet prerës.

Trupi i pajetë do t’i nënshtrohet ekspertizës mjekoligjore.

Grupi hetimor po punon për identifikimin e kësaj shtetaseje, sqarimin e rrethanave dhe dokumentimin ligjor të rastit.