Ngacmonte kalimtarët rrugës, arrestohet i riu në Itali

Një 36 vjeçar me shtetësi shqiptare është arrestuar nga policia italiane, në Fossombrone, Itali, për ngacmim. I riu ka ngacmuar kalimtarët, kryesisht vajzat.

Arrestimi është bërë rreth orës 22 të ditës së djeshme, teksa disa vajza të ulura në një lokal, ngacmoheshin nga i riu, kanë telefonuar menjëhërë policinë.

Forcat policore mbërritën menjëherë në vend, duke u përpjekur si fillim për ta qetësuar të riun, por ky i fundit është kthyer me dhunë dhe rezistencë ndaj zyrtarëve.

Dyshohet se shkak i gjendjes së tij është abuzimi me alkoolin.

Këtë mëngjes u zhvillua seanca e vlerësimit, në rezultatin e së cilës i riu u la i lirë në pritje të gjyqit.