Nesër hapet tuneli i Murrizit, Rama: Ta gëzojnë dibranët!

Kryeministri Edi Rama në Facebook ka njoftuar se ditën e nesërme do të hapet tuneli i Murrizit.

"Gati. Nesër Dita e Verës shkon edhe në Dibër dhe Dibra bohet iher e mir lagjja e gjelbërt e Tironës", shkruan Rama.

Pas 6 vitesh, nga maji i 2019-ës, kur ka nisur të hapet, më në fund, Tuneli i Murrizit, është gati. Punimet kanë përparuar pa problematika, dhe tuneli do të hapet më 14 mars, që korrespondon në Ditën e Verës.

Tuneli është i gjatë 3.7 kilometra dhe do të shkurtojë distancën mes Dibrës dhe Tiranës në vetëm 2 orë. Për pak javë pritet të mbyllet edhe segmenti Maqellarë -Peshkopi.