Nën hetim nga Prokuroria e Posaçme, gazetarët Artan Hoxha dhe Elton Qyno paraqiten në SPAK

Dy gazetarët Artan Hoxha dhe Elton Qyno janë paraqitur pak momente më parë në ambientet e Prokurorisë së Posaçme Kundër Korrupsionit dhe Krimit të Organizuar.

Sipas burimeve, bëhet me dije se mbi gazetarin Hoxha rëndon akuza "anëtar i organizatës kriminale".

Për të është kërkuar masa e “arrestit shtëpiak”.

Ndërsa gazetari Elton Qyno akuzohet për korrupsion. Ndaj tij është vendosur masa "detyrim paraqitje".

Ky operacion i SPAK është drejtuar nga prokurori Vladimir Mara.

Për momentin nuk ka ende asnjë njoftim zyrtar.