Në pranga 24-vjeçari në Berat, shpërndante lëndë narkotike në lagje të ndryshme të qytetit

Në kuadër të operacionit të koduar “Multiple”, Policia e Beratit ka arrestuar 24-vjeçarin Mateos Lamaj për veprën penale “Prodhim dhe shitje narkotikësh”.

Si rezultat i hetimeve të zhvilluara, u identifikua dhe u arrestua Lamaj, i cili shiste lëndë narkotike në qytetin e Beratit. Gjatë kontrollit në banesën e tij, u sekuestruan dhjetra doza kanabis, një sasi kanabisi në formë boçeje, si dhe një shumë parash që dyshohet se janë përfituar nga shitja e lëndës narkotike. Po ashtu, u gjetën edhe disa sende të tjera të kundraligjshme.

Në vijim të hetimeve, specialistët për Hetimin e Narkotikëve dhe Trafiqeve të Paligjshme, nën drejtimin e Prokurorisë Berat, realizuan arrestimin e Lamaj, i cili dyshohet se shiste lëndën narkotike në lagje të ndryshme të qytetit. Materialet iu kaluan Prokurorisë për veprime të mëtejshme.